ҚР Қауіпсіздік кеңесі хатшылығының меңгерушісі тағайындалды

Ерлан Байтұқбаев бұған дейін Қауіпсіздік кеңесінің құқық қорғау жүйесі бөлімі меңгерушісінің орынбасары болған

ҚР Тұңғыш Президенті – Елбасы, ҚР Қауіпсіздік кеңесі төрағасының шешімімен Ерлан Ысқақұлы Байтұқбаев ҚР Қауіпсіздік кеңесі хатшылығының меңгерушісі болып тағайындалды, ол ҚР Қауіпсіздік кеңесінің құқық қорғау жүйесі бөлімі меңгерушісінің орынбасары қызметінен босатылды.

Сондай-ақ Қауіпсіздік кеңесі төрағасының шешімімен басқа жұмысқа ауысуына байланысты, Шоқан Жанатұлы Елшібеков ҚР Қауіпсіздік кеңесі хатшылығының меңгерушісі қызметінен босатылды.

Ерлан Байтұқбаев 1969 жылы дүниеге келген. 1993 жылы әл-Фараби атындағы Қазақ ұлттық университетін тәмамдаған.

Әр жылдары прокуратурада, министрліктерде жетекші қызметте болған.

Мақалада

#ауыс-түйіс #Ерлан Байтұқбаев #Шоқан Елшібеков

Алдыңғы жаңалық

Серік Шәпкенов Еңбек және халықты әлеуметтік қорғау вице-министрі болып тағайындалды