Дональд Трамп пен Владимир Путин телефон арқылы сөйлесті

«Америка тарапының бастамасы бойынша, Владимир Путин Америка Құрама Штаттарының президенті Дональд Трамппен телефон арқылы сөйлесті», - деп жазады Путиннің резиденциясы. 

Екі елдің президенті коронавирус инфекциясымен күрес бойынша қандай шаралар қабылдағанын айтып, пікір алмасқан. Владимир Путин Америкада шыққан өкпені жасанды желдету аппараттарын Ресейге жеткізуге қолғабыс танытқаны үшін Трампқа алғыс айтты.  

«ОПЕК+» келісімін жүзеге асыру аясынан шықпай, әлемдік мұнай нарығындағы қазіргі жағдай талқыланды. Ресей мен АҚШ президенттерінің белсенді қолдауының арқасында қол жеткен осы жан-жақты уағдаластық бмұнай бағасының бұрынғы қалпына келуіне және бағалардың тұрақтануына ықпал етеді дегенге назар салынды», - деп жазады дереккөз.

Дональд Трамп Ресей, Австралия, Индия және Корея Республикасының басшылары да қатысуы ықтимал «Жетілік тобы» саммитін өткізу туралы идеясын мәлім еткен.

«Жалпы, телефон арқылы өткен әңгіме конструктивті, мазмұнды болды», - деп хабарлайды Ресей Федерациясы Президентінің ресми сайты.