Референдум бойынша дауыс беру учаскесі үш елде жұмыс істемейтін болды

Орталық референдум комиссиясының отырысында дауыс беру учаскелерінің жұмысы белгілі болды, деп хабарлайды  Azattyq Rýhy.

Орталық референдум комиссиясының төрағасы Нұрлан Әбдіров атағандай, бүгін комиссияның төртінші отырысы өтіп жатыр. Отырыста төрт мәселе талқыланбақ. Соның ішінде, Әбдіров Таяу Шығыстағы сайлау учаскелері қауіпсіздік шараларына қатысты жұмыс істемейтінін айтты. 

«Таяу Шығыстағы әскери жағдайдың шиеленісуін ескере отырып және қазақстандық азаматтардың қауіпсіздігіне төніп тұрған қауіп-қатерге байланысты Ливан, Иран, Израль елшіліктерінің жанындағы референдум учаскелерінің жұмысын тоқтатуды жөн көрдік»,- дейді Нұрлан Әбдіров.