Ұлыбританиядағы жалпы сайлау: Риши Сунак жеңілгенін мойындады

Лейбористік партия Ұлыбританиядағы жалпы сайлауда көш бастап тұр, деп хабарлайды Azattyq Rýhy.

Сэр Кир Стармер бастаған лейбористік партия қауымдар палатасында мерзімінен бұрын парламенттік сайлау қорытындысы бойынша көпшілік дауысқа ие болды. Бұл Ұлыбританиядағы консерваторлардың 14 жылдық билігінің аяқталғанын білдіреді.

ВВС хабарлауынша, дауысты санау барлық сайлау округтерінде әлі аяқталған жоқ, бірақ лейбористер олардың 347-сінде ресми түрде жеңіске жетті, бұл оларға 650 орындық палатада көпшілікті қамтамасыз етті.

Ipsos экзитполының алдын-ала есептеулеріне сәйкес, Лейбористік партия қауымдар палатасында 410 орынға, консервативті партия 131 орынға, Reform UK 13 орынға, ал либералды демократтар 61 орынға ие болды.

Қазіргі премьер-министр Риши Сунак өзі дауыс берген Ричмонд және Норталлертон округтерінде қайта сайлана алды. Сонымен бірге ол консерваторлардың жеңілгенін мойындады және Стармерді жеңісімен құттықтады.