71 жастағы әйел президент болып сайланды

Гордана Сильяновска Давкова 8 мамырда Солтүстік Македонияда өткен президенттік сайлауда жеңіп, ел басқаруға кірісті, деп хабарлайды Azattyq Ruhy.

Македонияның ұлттық демократиялық одағы атынан сайлауға түскен Сильяновска Давкова 64,14 пайыз дауысты иемденіп, Македония социал - демократтар Одағы қолдаған бұрынғы президент Стево Пендаровскийді басып озған.

71 жастағы Гордана Сильяновска Давкова 1992-1994 жылдары парламенттік Конституциялық комиссияның мүшесі, министр, БҰҰ-ның сайлау жөніндегі сарапшысы, Еуропа Кеңесінің жергілікті өзін-өзі басқару жөніндегі сарапшылар тобының вице-президенті және Венеция комиссиясының мүшесі болған.

Бұған дейін 2019 жылы да президенттік сайлауға қатысып, жеңіліп қалған. Ол 2020 жылдан бастап Солтүстік Македония парламентінің депутаты болды.

Солтүстік Македония 2019 жылы НАТО-ның құрамына енген.