АҚШ-тың қаржы министрі Қытай мен Америка арасындағы келіспеушілікті талқылау үшін ҚХР-ға келді

АҚШ Қаржы министрлігінің басшысы Джанет Йеллен Қытайдың оңтүстігіндегі Гуанчжоу қаласына келді. Біраз уақыттан кейін ол Бейжіңге келіп, Қытай үкіметінің басшылығымен келіссөздер жүргізеді, деп хабарлайды Azattyq Ruhy.

CGTN хабарлағандай, алты күндік сапар барысында ол экономикалық сарапшылармен және іскерлік қоғамдастық өкілдерімен кездесулер өткізеді.

Йелленнің сапары Си Цзиньпин мен Джо Байденнің телефон арқылы сөйлесулерінен кейін жоспарланды.

«Қаржы министрлігінің басшысынан кейін Қытайға мемлекеттік хатшы Энтони Блинкен келуі керек. Байден әкімшілігінің екі шенеунігі де өткен жазда Бейжіңге екіжақты қатынастарды тұрақтандыру үшін келген болатын. Қытайда олар бірлескен жұмысты жалғастыруға үміттенеді», -  деп мәлімдеді бүгін тұрақты брифингте ҚХР СІМ ресми өкілі Ван Вэньбинь.

ҚХР СІМ ресми өкілі Ван Вэньбинь Қытай мен АҚШ-тың экономикалық қатынастары ортақ мүдделерге негізделгенін және олар өзара тиімділікті көздейтінін жеткізді.

«АҚШ пен Қытай бір-бірімен кездесіп, бар келіспеушіліктерді дұрыс шешеді, консенсусқа қол жеткізеді, ынтымақтастықты нығайтады және екіжақты экономикалық қатынастардың тұрақты ілгерілеуіне ықпал етеді деп үміттенеміз», - деді ол.