«Ел спортына пайдам тиеріне шын сенемін!»: Головкин қолдау білдіргендерге алғысын айтты

Бүгін ғана Ұлттық олимпиада комитетінің президенті болып сайланған Геннадий Головкин қолдау білдірген көпшілікке алғысын айтты, деп хабарлайды Azattyq Ruhy.

Бұл туралы ол өзінің Instagram әлеуметтік желісіндегі парақшасында жазды.

«Қадірлі достар, бүгін құттықтауын жолдаған барша спортсүйер қауымға алғысым шексіз!
Халықаралық олимпиадалық қоғамдастықта еліміздің атынан қызмет ету мен үшін үлкен абырой әрі жауапкершілік.
Алдымызда үлкен міндеттер тұрғанына қарамастан, ел спортына пайдам тиеріне шын сенемін! Ең бастысы – біздің жұмыс істеуге деген үлкен ниетіміз бен сіздердің шексіз қолдауларыңыз бар! Рахмет!», - деп жазды Геннадий Головкин.

Айта кетейік, кәсіпқой бокстан орта салмақтағы әлемнің экс-чемпионы Геннадий Головкин Ұлттық олимпиада комитетінің президенті болып сайланды.