БҰҰ Бас Ассамблеясы Газадағы атысты дереу тоқтатуға шақырды

Біріккен Ұлттар Ұйымы сейсенбіде Газа секторындағы атысты дереу гуманитарлық тоқтатуды талап етті, деп хабарлайды Azattyq Ruhy BBC-ге сілтеме жасап.

Палестина өкілі Рияд Мансур бұл «тарихи күн» деп мәлімдеді. Израиль елшісі Гилад Ердан дауыс беру алдында «атысты тоқтату тек ХАМАС-тың террор билігін ұзартуға қызмет етеді» деді.

Хамастың аға өкілі Бассем Наим ВВС-ге берген сұхбатында қарардың қабылдануы «басым халықаралық ерік Палестина халқына қарсы агрессияны тоқтатуды жақтайтынын» растады деп мәлімдеді.

АҚШ қарарға қарсы дауыс бергенімен, Джо Байден бұған дейін Израиль палестиналықтардың «бей-берекет бомбалауына» байланысты халықаралық қолдауды жоғалтып жатқанын ескертті. Ол сондай-ақ Газа секторының болашағы туралы жоспарларға қарсылық білдіріп, Израиль үкіметі палестиналықтармен екі мемлекет құру туралы шешімге қарсы екенін айтты.

Сейсенбідегі дауыс беру Бас Ассамблеяның соғыс қимылдарын тоқтатуға бағытталған екінші әрекеті болды. Қазан айында ол 121 қолдап, 14 қарсы және 44 қалыс қалған қарарда «гуманитарлық бітімге» шақырды.

Сарапшылардың пікірінше, мұндай шешімдер міндетті болмаса да, бұл халықаралық пікірдің аса маңызды екенін көрсетеді.

Авторы: Еркежан АЙТҚАЗЫ