Парламент палаталарының бірлескен отырысы басталды

Отырыста Мемлекет басшысы жыл сайынғы халыққа Жолдауын жариялайды

Астанада Парламент палаталарының бірлескен отырысы басталды, деп хабарлады Azattyq Ruhy тілшісі.

Парламенттің қос палатасының депутаттары каникулдан шығып жұмысқа кірісті.

Мәжіліс спикері Ерлан қошанов депутаттарды тіркеуден өтуін сұрады. Отырысқа Сенаттың 50 депутаты, Мәжілістің 98 депутаты қатысып отыр. Дауыс беру арқылы сегізінші сайланған шақырылымның екінші сессиясы ашылды.

Отырыс Қазақстан Республикасының Әнұранынан басталды.

Парламент палаталарының бірлескен отырысына ресми тұлғалармен қатар азаматтық қоғам өкілдері де қатысып жатыр.

Отырыста Мемлекет басшысы Қасым-Жомарт Тоқаев халыққа кезекті Жолдауын жариялайды.

Авторы: Аягөз Құрмаш