Джо Байден Ким Чен Ынды кездесуге шақырады

АҚШ президенті Джо Байден Корея түбегін ядролық қарудан шығаруды талқылау үшін Солтүстік Кореяның жетекшісі Ким Чен Ынмен кездескісі келеді. Бұл туралы Ақ үйдің Ұлттық Қауіпсіздік Кеңесінің стратегиялық коммуникациялар жөніндегі үйлестірушісі Джон Кирби мәлімдеді, деп хабарлайды Azattyq Ruhy.

Ол Байденнің Солтүстік Корея көшбасшысымен ешқандай алғышарттарсыз кездесуге дайын екенін атап өтті.

«Біз кездесіп, келіссөздер жүргізуге дайынбыз», – деді Кирби.

Оның айтуынша, Солтүстік Корея бұл ұсынысқа әлі оң жауап берген жоқ, бірақ ол әлі де өзекті болып отыр.

Кирби бұл мәлімдемені Байден Жапония мен Оңтүстік Корея басшыларымен кездесуіне дейін жасады.

Естеріңізге сала кетейік, АҚШ-тың бұрынғы президенті Дональд Трамп пен КХДР жетекшісі өткен маусымнан бастап Солтүстік Кореяның ядролық қарусыздануын талқылау үшін үш рет кездесті.

Авторы: Аягөз Құрмаш