Қазақстанның Әзербайжандағы елшісі тағайындалды

Мемлекет басшысының Жарлығымен Әлім Дәуренұлы Байел Қазақстан Республикасының Әзербайжан Республикасындағы Төтенше және Өкілетті Елшісі лауазымына тағайындалды, деп хабарлайды Ақорданың баспасөз қызметі.

Сондай-ақ, Мемлекет басшысының Жарлығымен Сержан Оралбайұлы Әбдікәрімов Қазақстан Республикасының Әзербайжан Республикасындағы Төтенше және Өкілетті Елшісі лауазымынан босатылды.

Әлім Дәуренұлы Байел – 1984 жылғы 16 қаңтарда дүниеге келген. Таяу Шығыс техникалық университетін (Анкара қ., Түркия) бизнес-әкімшілік мамандығы бойынша тәмамдаған. Джордж Вашингтон университетінің (Вашингтон қ., АҚШ) мемлекеттік басқару саласындағы магистратурасын бітірген. «Болашақ» бағдарламасының түлегі.

Қазақстан Республикасы Президенттік жастар кадр резервінің құрамында.

• 2008–2012 жылдары жекеменшік секторда жұмыс істеген.
• 2012–2014 жж. – Түркітілдес мемлекеттер ынтымақтастық кеңесінің сарапшысы.
• 2014–2015 жж. – Түркі академиясының халықаралық қатынастар орталығының директоры.
• 2016 ж. – ҚР Мемлекеттік қызмет істері министрлігінде халықаралық ынтымақтастық басқармасының басшысы.
• 2016–2018 жж. – ҚР Мемлекеттік қызмет істері және сыбайлас жемқорлыққа қарсы іс-қимыл агенттігінде халықаралық ынтымақтастық басқармасының басшысы, стратегиялық әзірлеу басқармасының басшысы.
• 2018–2020 жж. – Қазақстанның Түркиядағы Елшілігінің саяси мәселелерге жауапты бірінші хатшысы.

Қазақстанның Әзербайжандағы Елшісі болып тағайындалғанға дейін Ыстанбұлдағы ҚР Бас консулы болып қызмет атқарды.

II cыныпты Төтенше және Өкілетті Уәкіл дипломатиялық дәрежеге ие.