Президент Ұлттық банк төрағасын қабылдады
Ғалымжан Пірматов ел экономикасының қазіргі ахуалы, инфляция факторлары мен оны төмендету үшін қабылданып жатқан шаралар жөнінде мәлімет берді
Президент Ұлттық банк төрағасы Ғалымжан Пірматовты қабылдады, деп хабарлады Ақорданың баспасөз қызметі.
Мемлекет басшысына Ұлттық банктің биыл қаңтарда жүзеге асырған ақша-кредит саясатының қорытындысы туралы есеп берілді.
Ғалымжан Пірматов Қазақстан экономикасының қазіргі ахуалы, іскерлік белсенділік, инфляция факторлары мен оны төмендету үшін қабылданып жатқан шаралар жөнінде мәлімет берді. Сондай-ақ БЖЗҚ, Ұлттық қор және алтын-валюта резервтерінің жай-күйі туралы баяндады.
Кездесу соңында Қасым-Жомарт Тоқаев ақша-кредит саясатын тиімді іске асырудың және валюта нарығын одан әрі жетілдірудің маңыздылығын атап өтті.
Серіктес жаңалықтары
Көп оқылған
Редактордың таңдауы
