Қазақ-Моңғол үкімет басшылары Нұр-Сұлтанда қандай мәселені талқылайды?

ҚР Сыртқы істер министрі Ухнаагийн Хурэлсухтың Нұр-Сұлтанға сапары Қазақстан мен Моңғолия арасындағы қатынасты дамытатын маңызды оқиға болады деп бағалап отыр. Журналистерге брифинг өткізген ҚР Сыртқы істер министрлігінің ресми өкілі Айбек Смадияровтың айтуынша, Моңғолия премьер-министрі Ухнаагийн Хурэлсух ҚР Премьер-министрі Асқар Маминмен кездеседі. 

«Келіссөздер барысында сауда-экономикалық, мәдени-гуманитарлық ынтымақтастық, сондай-ақ, өңірлік және халықаралық ұйымдар аясындағы өзара іс-қимыл мәселелері талқыланады. Екі елдің Үкімет басшыларының қатысуымен білім беру, терроризмге қарсы іс-қимыл, қылмыстық және азаматтық істер бойынша құқықтық көмек салаларында екіжақты ынтымақтастықты сапалы, жаңа деңгейге шығаруға арналған бірқатар келісім мен меморандумға қол қойылады», - деп хабарлады Айбек Смадияров. 

Моңғолия премьерінің сапары аясында Нұр-Сұлтан қаласында Қазақстан-Моңғолия бизнес-форумы өтетіні белгілі болды. Моңғолиядан келген делегаттар «Астана» халықаралық қаржы орталығына, халықаралық «Жасыл технологиялар» орталығына және инвестициялық жобалар мен кәсіпорындарға барады. Моңғолия үкімет басшысынан басқа, осы аптада Қазақстанға  Болгария республикасының вице-президенті Илиана Йотова мен Ресей Сыртқы істер министрі Сергей Лавров келеді.

Кенжекей Тоқтамұрат, Нұр-Сұлтан