Ақ үй АҚШ-тың ядролық қаруды бірінші болып қолданбауын қарастырады

АҚШ президенті Джо Байденнің Ұлттық қауіпсіздік тобы жақын арада  ядролық қаруды бірінші болып қолданбауды қарастырады. Бұл туралы Lenta.ru Ақ үйдегі дереккөздерге сілтеме жасап хабарлайды.

Байденнің көмекшілері АҚШ-тың ядролық арсеналының "жалғыз мақсаты" қарапайым әскери әрекеттерге немесе басқа стратегиялық шабуылға жауап ретінде емес, ядролық қақтығысты болдырмау екенін жариялау мүмкіндігін зерттейді. Пентагон бұл мүмкіндіктерге "Ресей мен Қытайдың қару-жарағын арттыруына" байланысты қарсы шығып отыр.

Бұған дейін The Washington Post басылымы АҚШ әкімшілігі қазіргі ядролық саясатты өзгертуге арналған жабық форматта бірқатар кездесулер өткізетінін хабарлады. Атап айтқанда, шенеуніктер алдымен ядролық қаруды қолданбау принципіне көшуді талқылайды.

Байденнің өзі АҚШ-тың ядролық қару Стратегиясын жаңарту идеясын қолдады. Оның үстіне, 2017 жылы ол американдық тараптың бірінші болып ядролық соққы беру керек деген идеясына күмән келтірген болатын.