Заңсыздық тіркелмеді, карантин талаптары сақтаулы – Атырау облысында Томарлы ауылының халқы өз әкімін сайлап жатыр

Еліміздің 14 облысында ауыл әкімдерін сайлау науқаны өтіп жатыр

Informburo.kz

Атырау облысының Томарлы ауданында жұрт таң атпастан сайлау учаскелеріне келіп, өз кандидаттарына дауыс беруге кірісіп кетті.

Томарлыда 5 036 тұрғын тұрады. Олар үшін ауылда екі сайлау учаскесі ашылған. Бақылаушы Баянсұлу Хамиеваның айтуынша, халықтың белсенділігі жоғары.

«№64 сайлау учаскесіне «Nur Otan» партиясы атынан бақылаушымын. Таңғы сағат 7:00-де басталған сайлауға ауыл халқы белсенді қатысуда. Ешқандай заң бұзушылық тіркелген жоқ. Карантин талаптары толық сақтаулы», - деді Баянсұлу Хамиева.

Айта кетейік, 25 шілде таңғы сағат 7-де Қазақстанда аудандық маңызы бар қалалардың, ауылдардың, кенттердің, ауылдық округтердің әкімдерін сайлау басталды.

Ауыл әкімдерінің сайлауына қатысу үшін 2 297 кандидат тіркелді. Оның 1 419 – ы өзін-өзі ұсынған, 878-і - тіркелген саяси партиялардың өкілдері. Кандидаттардың жалпы санынан ерлер 1 839, әйелдер 458 адамды құрайды.

×
Бұл желілік ресурстың ақпараттық өнімдері 18 жастан асқан адамдарға арналған.