Джо Байденнің инаугурациясы қалай өтті - ФОТО
АҚШ президенті қызметіне кірісті
Джо Байден ант қабылдап, Америка Құрама Штаттарының президенті қызметіне кірісті, деп хабарлайды Azattyq Rýhy РБК-ға сілтеме жасап.
«Мен, Джо Байден Америка Құрама Штаттарының Президенті ретіндегі міндеттерімді адал атқаратыныма және Америка Құрама Штаттарының конституциясын қолымнан келгенше қолдаймын, сақтаймын және қорғаймын», - деді Байден.
78 жастағы демократ Байден АҚШ-тың 46-президенті болды. Ол қарашадағы сайлауда республикашыл Дональд Трампты жеңді. Айта кетейік, Дональд Трамп Байденнің инаугурациясына қатысудан бас тартты.
Ұлықтау рәсіміне кіші Джордж Буш, Билл Клинтон және Барак Обама қатысты
Сондай-ақ, рәсім кезінде Камила Харрис ант берді, ол Америка Құрама Штаттарының вице-президенті қызметіне кірісті.
Алғаш рет АҚШ президентін ұлықтау рәсімі қысқартылған форматта өтті, жиналғандардың барлығы бетперде тағып, әлеуметтік арақашықтықты сақтады.
Салтанатты рәсімде АҚШ-тың мемлекеттік әнұранын әнші Леди Гага орындады.
Серіктес жаңалықтары
Көп оқылған
Редактордың таңдауы
