Ол аталған қызметті 2018 жылдың қазан айынан бері атқарып келген
Мемлекет басшысы Қасым-Жомарт Тоқаев Қазақстанның Бельгия мен Люксембургтегі елшісі Айгүл Құспанды қызметінен босатты деп хабарлайды Ақорданың баспасөз қызметі.
«Мемлекет басшысының Жарлығымен Айгүл Сайфоллақызы Құспан Қазақстан Республикасының Бельгия Корольдігіндегі Төтенше және Өкілетті Елшісі қызметінен, Қазақстан Республикасының Люксембург Ұлы Герцогтігіндегі Төтенше және Өкілетті Елшісі, Еуропа Одағының жанындағы және Солтүстік Атлант Шарты ұйымындағы (НАТО) Қазақстан Республикасы Өкілдігінің Басшысы қызметін қоса атқарудан босатылды», - делінген Президенттің Жарлығында.
