Қасым-Жомарт Тоқаев жаңа шақырылымдағы Парламенттің бірінші сессиясын шақырды

Мемлекет басшысы Қасым-Жомарт Тоқаев жетінші шақырылған Қазақстан Республикасы Парламентінің бірінші сессиясын шақыру туралы қаулыға қол қойды деп хабарлайды Ақорданың баспасөз қызметі.

Қазақстан Республикасы Конституциясының 59-бабының 2-тармағына сәйкес ҚАУЛЫ ЕТЕМІН:

1. Жетінші  шақырылған Қазақстан Республикасы Парламентінің бірінші сессиясы 2021 жылғы 15 қаңтарда сағат 10-да Нұр-Сұлтан қаласында шақырылсын.

2. Осы Жарлық қол қойылған күнінен бастап қолданысқа енгізіледі, - делінген аталған құжатта.

Еске салайық, елде 10 қаңтар күні Мәжіліс пен барлық деңгейдегі мәслихаттардың сайлауы өткен болатын.