ШұғылБір аптада коронавирустан 73 қазақстандық қайтыс болды

Тоңазытқышта көз жұмған нәресте ісі: экс-бас дәрігер тағылған айыпты мойындамады

Сотта 3 сағат ақталған Нысанбаев өзінің еш кінәсі жоқ екенін айтып, көз жасына ерік берді

Атырауда жаңа туған шақалақты мұздатқышқа салды деп айыпталып жатқан бұрынғы дәрігерлерге қатысты сотта бүгін айыпталушы тарап тындалды, деп хабарлайды «Астана» телеарнасы.

Орталықтың бұрынғы бас дәрігері үзіліссіз 3 сағат сөйледі. Ол өзіне тағылған айыпты не үшін мойындамайтынын дәлелдеумен болды. Өзінің де, әріптестерінің де кінәсі жоқ екенін айтып, көз жасына ерік берді. Тіпті тергеушілердің жұмысын сынға алды.

«Мен нені мойындаймын? Істемеген ісімді ме?  Жасаған жоқпыз біз оны.  Оны мен кез келген жерде айта аламын. Асқар Жәнібекұлы да жасаған жоқ.  Жәмила апа да жасаған жоқ ондай істі. Және мен де жасаған жоқпын. Мен Елбасынан сұраймын. Тоқаевтан сұраймын. Қарасын мына істі. Менен бір рет жауап алған жоқ», - деді айыпталушы Қуаныш НЫСАНБАЕВ.

Сондай-ақ, сот отырысында өзге сотталушылар мен олардың адвокаттары да сөз алды. Айыпталушы тарап сол күні кезекшілікте болып, нәрестенің шетінеп кеткенін айтқан неонатолог-дәрігердің неге жауапкершілікке тартылмағанын түсіндіруді талап етті.

Еске салайық, Атыраулық перинаталдық орталықтың экс-басшысы, 35 жастағы Қуаныш Нысанбаев пен оның 4 әріптесі Қылмыстық кодекстің бірнеше бабымен айыпталуда. Істің сотта қаралып жатқанына 7-інші айға аяқ басты.