«Хайпократияға жол берілмейді деп үміттенемін»: Тоқаев Қазақстанда көппартиялы жүйе болғанын қалайды
Мемлекет басшысы азаматтар қазіргі саяси реформаларды «хайпократияға» айналдырмайды деген үмітте
Қазақстан Республикасының Президенті Қасым-Жомарт Тоқаев халыққа арнаған үндеуінде демократияның басты жауын атап, азаматтардан қандай әрекет күтетініне тоқталды.
«Мемлекет басшысы ретінде мен Қазақстанда шын мәнінде көппартиялы жүйенің дамуына талпынамын. Біз бір орында тұрғанымыз жоқ. Біз ақырындап саяси жүйені қазіргі заманның талабына бейімдеп жатырмыз. Біздің қоғамға саяси реформалар керек. Демократияның басты жауы – надандық пен популизм. Бұл факторды ескеру керек. Біздің азаматтар реформаларға қолдау көрсетеді деген үміттемін. Және де жаңа саяси мүмкіндіктерге байланысты, қоғамда хайпократияның артуына жол бермейді деген үмітім бар», - деді Мемлекет басшысы елдегі саяси партиялардың рөліне тоқтала отырып.
