«Nur Otan» партиясы саяси кеңесі бюросының отырысы 24 тамызда өтеді

Бұл туралы «Nur Otan» партиясы Төрағасының бірінші орынбасары Бауыржан Байбек Twitter-парақшасында хабарлады.

«Елбасы, партия Лидері Нұрсұлтан Назарбаев «Nur Otan» саяси кеңесі бюросының отырысын 2020 жылғы 24 тамызда шақыру туралы қаулыға қол қойды», - деп жазды ол.

Еске сала кетейік, соңғы рет Елбасының төрағалығымен «Nur Otan» партиясының саяси кеңесі бюросының мәжілісі 5 наурызда өтті. Партияның сол отырысында биыл еліміздің барлық өңірлерінде жаңа форматта ішкі партиялық іріктеу – праймериз өткізу жөнінде шешім қабылданды.

Бүгіннен бастап Қазақстанда «Nur Otan» партиясының праймеризіне кандидаттарды тіркеу басталды.