ШұғылҚазақстанда тағы 716 адамнан коронавирус анықталды

АҚШ президенті әкімшілігінде басшылық қызметте жүрген қазақ қызы туралы білесіз бе?

Қазір Әсел тегін өзгерткен, ол тұрмысқа шыққан болуы мүмкін

Фото: facebook

Әсел Төленова есімді қазақ қызы АҚШ президенті протоколы бастығының орынбасары болып жұмыс істейді. Дипломатиялық ортада жүрген адамдар бұл ақпаратты растады, деп хабарлайды Sputnik.kz.

Әлеуметтік желілерде оның экс-президент Барак Обамамен және жаңадан сайланған президент Джо Байденмен түскен фотосуреттері жарияланды.  

«Ағайындар» жинағына Әсел Төленованың өмірбаяны енгізілген. Соған сәйкес, Әсел 1976 жылы Алматыда дүниеге келген. 1993 жылы АҚШ-тың Джорджтаун университетіне оқуға түсіп, халықаралық дипломатия мамандығы бойынша тәмамдаған.

1998 жылдан бастап АҚШ мемлекеттік департаменті протокол басқарушысының сыртқы қатынастар жөніндегі орынбасары болып жұмыс істеген. Ал 2014 жылы АҚШ президенті протоколы басшысының орынбасары қызметіне дейін көтерілді.  

Қазіргі кезде Әселдің тегі өзгерген. Соған қарағанда, АҚШ-та тұрмысқа шыққан болуы мүмкін. Барак Обамамен түскен суретінде кішкентай қызды ұстап тұр.

Осыдан үш жыл бұрын Ақ үйдің ресми сайтында Әсел туралы ақпарат жарияланды. Онда 2017 жылы қазақ қызы Мемлекеттік департаментте протокол қызметін басқарғаны айтылады. Әсел Робертс Ақ үйдегі тағылымдамалар бағдарламасы аясында сөз сөйлеп, өзінің өмірлік тәжірибесі туралы баяндаған. Америкада жетістікке қалай жеткенін де айтып беріпті. 

«Робертс ханым президенттердің брифингтерін қалай ұйымдастырғанын еске алды. Ол Америкада өз арманыңа жетуге барлық мүмкіндік жасалғанын ерекше атап өтті», - делінген ресми хабарламада.