Қазақстандықтар желтоқсанда қанша күн демалады

Қазақстан халқы 2019 жылдың желтоқсанында қосымша үш демалыс күнін қосқанда, барлығы 12 күн демалады, деп хабарлайды Azattyq Rýhy egov.kz сайтына сілтеме жасап.

Әдеттегідей, қазақстандықтар жылдың соңғы айында екі үлкен мейрамды - Тұңғыш Президент күнін және Тәуелсіздік күнін атап өтеді.

1 желтоқсан – Тұңғыш президент күні. Бұл күн биыл жексенбіге сәйкес келетіндіктен, демалыс күні 2 желтоқсанға ауыстырылды. Осылайша, қазақстандықтар 1 және 2 желтоқсанда демалады.

Ал биылғы Тәуелсіздік күні – 16 желтоқсан дүйсенбіге сәйкес болғандықтан, мереке құрметіне екі демалыс күні: дүйсенбі және сейсенбі күндері беріледі.

Сондай-ақ, 30 және 31 желтоқсан күндері жұмыс күндері болады. Қазақстандықтар Жаңа жылды 1 және 2 қаңтарда (сәрсенбі және бейсенбі), яғни екі күн атап өтеді.