Қостанай облысында 50-ден асқан ер адамнан 5 килоға жуық есірткі табылды

Қостанай облыстық ПД-ның есірткі қылмысына қарсы іс-қимыл басқармасы қызметкерлері өсімдік тектес есірткі заттарын заңсыз сақтады деген күдікпен 53 жастағы жергілікті тұрғынды ұстады, деп хабарлайды Azattyq Rýhy.

Оның тұрғылықты жеріне жүргізілген тінту барысында ерекше иісі бар жасыл түсті зат салынған қап, сондай-ақ осындай құрамдағы 27 орама табылып, тәркіленді.

Сот-химиялық сараптаманың қорытындысына сәйкес, алынған зат – жалпы салмағы 4 килограмм 958 грамм болатын марихуана. Бұл мөлшер «аса ірі көлем» санатына жатады.