Алматыда екі автобус соқтығысып қалды: зардап шеккендер бар
Оқыс оқиға бүгін сағат 12:40-та Медеу ауданында болды
Алматыда екі қалалық маршруттық автобус соқтығысты, деп хабарлайды Azattyq Rýhy.
Әлеуметтік желілерде жол апаты болған жерден фото мен видео жарияланды.
Алматы қалалық Полиция департаментінің баспасөз қызметі агенттікке берген түсініктемесінде жол-көлік оқиғасы бүгін сағат 12:40-та Медеу ауданында болғанын хабарлады.
«69-маршруттың жүргізушісі Райымбек даңғылы бойымен шығыс бағытта қозғалып келе жатып, Назарбаев даңғылынан шығыс жақта орналасқан аялдама кешенінде тұрған 208-маршруттық автобусына соқтығысқан. Апат салдарынан 69-маршруттың жүргізушісі мен жолаушысы медициналық көмекке жүгінді», – деп мәлімдеді полиция.
Апаттың мән-жайын Медеу аудандық полиция басқармасының қызметкерлері анықтап жатыр.
