Қарағандыда мектеп оқушысы жоғары қабаттан құлап кете жаздады (ВИДЕО)

Қарағандыда мектеп оқушысы жоғары қабаттан құлап кете жаздады. Оны құтқарушылар аман алып қалды, деп хабарлайды Azattyq Rýhy.

ҚР ТЖМ мәліметінше, Қарағанды қаласының Дүйсембеков көшесіндегі бес қабатты тұрғын үйде қауіпті оқиға болды. Құтқару қызметіне куәгерден үшінші қабаттағы балконда баланың асылып тұрғаны туралы хабарлама келіп түсті.

«Оқиға орнына дереу ТЖД күштері шықты. Құтқарушылар жедел түрде пәтерге көтеріліп, 2015 жылы туған баланың өз мысығын алуға тырысып балконның жақтауына ұсталып тұрғаны анықтады.

Оған медициналық көмек қажет болған жоқ», – делінген ҚР ТЖМ хабарламасында.