Алматының орталық көшелері жексенбі күні уақытша жабылатын болды

Алматыда 16 қарашада биылғы маусымның финалдық жүгіру жарысы ұйымдастырылады. Оған 20 елден келген 2500 жүгіруші қатысады, деп хабарлайды Azattyq Rýhy.

Жарыс күні кейбір жол учаскелерінде қозғалыс жабық немесе шектеулі болады:

15-16 қараша:

• 15 қараша сағат 04:00-ден 16 қараша сағат 12:00-ге дейін – Төле би көшесі, Назарбаев даңғылынан Абылай хан даңғылына дейін.

16 қараша:

• 08:00-10:00 – Төле би көшесі, Абылай хан даңғылынан Наурызбай батыр көшесіне дейін (балама жол – Мақатаев көшесі, екі бағытта);
• 08:00-10:00 – Наурызбай батыр көшесі, Төле би көшесінен Құрманғазы көшесіне дейін;
• 08:00-09:35 – Бөгенбай батыр көшесі, Наурызбай батыр көшесінен Назарбаев даңғылына дейін;
• 08:00-09:15 – Қабанбай батыр көшесі, Наурызбай батыр көшесінен Назарбаев даңғылына дейін;
• 08:00-08:55 – Шевченко көшесі, Наурызбай батыр көшесінен Назарбаев даңғылына дейін;
• 08:00-08:35 – Құрманғазы көшесі, Наурызбай батыр көшесінен Назарбаев даңғылына дейін.

Жарыс барысында спортшылар трассаны өткен сайын жолдар қайта ашылады.