БҚО-да аудандық полиция бөлімінің бастығы ұсталды

Батыс Қазақстан облысында аудандық полиция бөлімінің бастығы ұсталды. Онымен бірге көші-қон қызметінің қызметкері де қолға түсті. Бұл туралы Azattyq Rýhy агенттігі «Мой город» басылымына сілтеме жасап хабарлайды.

20 қазан күні Сырым ауданының полиция бөлімінің бастығы мен көші-қон қызметінің қызметкері ұсталғаны туралы ақпарат тарады. Ұлттық қауіпсіздік комитеті оқиға бойынша сотқа дейінгі тергеу жүріп жатқанын растады.

Қосымша мәліметтер жарияланбайды, өйткені ҚР Қылмыстық кодексінің 201-бабының 1-бөлігіне сәйкес, тергеу барысына немесе оның нәтижесіне әсер етуі мүмкін ақпаратты жария етуге тыйым салынады.