Қазақстан халқының саны қанша болды – жаңартылған мәлімет жарияланды

2025 жылдың 3 қарашасында Ұлттық статистика бюросы Қазақстан халқының саны туралы жаңа деректерді жариялады, деп хабарлайды Azattyq Rýhy.

Статистикаға сәйкес, 2025 жылдың 1 қазанындағы жағдай бойынша Қазақстан халқының саны 20 445 231 адам болды. Жыл басынан бері халық саны 161 832 адамға өскен, оның ішінде:

• табиғи өсім есебінен – 151 632 адам,
• көші-қон есебінен – 10 200 адам.

Ұлттық статистика бюросының мәліметінше Қазақстанның жеті өңірінде халық саны 1 миллионнан асады:

1. Алматы – 2 337 023 адам,
2. Түркістан облысы – 2 148 207,
3. Астана – 1 612 512,
4. Алматы облысы – 1 586 875,
5. Шымкент – 1 286 087,
6. Жамбыл облысы – 1 216 849,
7. Қарағанды ​​облысы – 1 131 818.

Естеріңізге сала кетейік, 2023 жылдың қарашасында Қазақстан халқының саны 20 миллионға жеткен болатын. Бұл туралы Мемлекет басшысы Қасым-Жомарт Тоқаев желідегі парақшасында хабарлап, ел халқын құттықтады.

«Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы – бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді», - деп жазды Президент.

Демек екі жылдан кейін халқымыз 445 мың адамға көбейіп отыр.