Қазақстанда жеңіл көліктерді тіркеу көрсеткіші күрт төмендеді – зерттеу

Қазақстанда жеңіл автокөліктерді тіркеу көрсеткіші соңғы үш жылдағы ең төмен деңгейге түсті, деп хабарлайды Azattyq Rýhy агенттігі Data Hub-қа сілтеме жасап.

2025 жылдың қыркүйегіндегі мәлімет бойынша, елімізде бар болғаны 78 мың жеңіл көлік тіркелген. Бұл – 2022 жылдың сәуірінен бері тіркелген ең төмен нәтиже. Көрсеткіш тамыз айымен салыстырғанда да, өткен жылдың қыркүйегіне қарағанда да екі есеге жуық төмендеген.

Бұған дейін 2023 жылдың қаңтарынан 2025 жылдың наурызына дейін автокөлік тіркеулері тұрақты жоғары деңгейде (ай сайын 110 мыңнан астам) сақталған болатын. Бұл көрсеткішке шетелдік нөмірлі көліктерді заңдастыру науқаны әсер еткен. 2024 жылы заңдастыру аяқталғанымен, азаматтарға ондай көліктерді Қазақстанда тіркеусіз жүргізуге тыйым салынған еді. Соған қарамастан 2024 және 2025 жылдары тіркеу саны жоғары деңгейде қала берді.

Алайда 2025 жылдың сәуірінен бастап Бюро ұлттық статистикасы тіркеу деректерін алғашқы және қайталама тіркеу болып бөліп жариялай бастады. Қыркүйектегі құлдырау қос санатта да байқалады:

• қайталама тіркеулер – 51,5 мыңға азайып, 71,4 мыңға түсті;
• алғашқы тіркеулер – 15,2 мыңға қысқарып, 6,6 мың болды.

Алғашқы тіркеу – автомобильдің Қазақстанда алғаш рет тіркелуі (уақытша әкелінген көліктерді қоспағанда).