Пәкістан енді Ауғанстан астанасына әуеден соққы жасады
Екі ел арасындағы қақтығыс 11 қазан күні кешкі уақытта басталды
Пәкістанның қарулы күштері Ауғанстан астанасы – Кабул қаласына әуеден соққы жасады. Бұл туралы Aamaj News ақпарат агенттігі хабарлады, деп жазады Azattyq Rýhy.
«Пәкістан Кабулдағы нысандарға әуе соққыларын жасауда. Пәкістанның дрондары кем дегенде төрт рет Таймани ауданындағы нысандарды атқылады», – делінген хабарламада.
Айта кетейік, 11 қазан күні кешкі уақытта Ауғанстан мен Пәкістан шекарасында қарулы қақтығыстар болған. Ауғанстанның Кунар, Нангархар және Гильменд провинцияларында атыс пен жарылыстар тіркелді.
Кейінірек Ауғанстанның қорғаныс министрлігі Пәкістанға қарсы «кек алу операциясының» сәтті аяқталғанын мәлімдеді. Ведомствоның хабарлауынша, бұл операция Пәкістанның әуе соққылары мен ел әуе кеңістігін бұзуына жауап ретінде жүргізілген.
