Ақтөбеде пневмониядан тағы 4 адам көз жұмды

Ақтөбеде бір тәуліктің ішінде пневмониядан тағы төрт адам көз жұмды. 28 науқас ауыр халде жатыр. Олардың жартысына жуығы жасанды тыныс алу аппаратына қосылған, деп хабарлайды Azattyq Rýhyтілшісі «Астана» телеарнасына сілтеме жасап.

Өңірде 1 мың 257 адам өкпе қабынуына шалдыққан. Бүгінгі күнге дейін аталған дерттен 22 адам қайтыс болды. Олардан COVID-19 анықталмады.

«Осы күнге тоғыз науқас тіркелді. Ақтөбе қаласында және бірнеше аудандарда әртүрлі кезекшілікте тұратын, тамақ дайындайтын, тәрбиелеушілердің арасында жұмыскерлер арасында тез тарамау үшін, сонымен қатар балаларға ауру жұқпау үшін балабақшаларды жабу туралы шешім қабылданды», - деді Ақтөбе облысының бас мемлекеттік санитар дәрігері Нұрсұлу Беркімбаева.