Тоқаев Стэнфорд университетінің профессорын қабылдады

Президент еліміз венчурлық инвестиция тарту көлемі бойынша аймақта көшбасшы екенін атап өтті

Фото: Ақорда

Мемлекет басшысы Қасым-Жомарт Тоқаев Стэнфорд университетінің профессоры Илья Стребулаевты қабылдады, деп хабарлайды Azattyq Rýhy.

Ақорданың мәліметінше, Қасым-Жомарт Тоқаев пен Илья Стребулаев венчурлық инвестиция тарту, сондай-ақ жасанды интеллект саласындағы Қазақстанның стартаптарын дамыту әлеуетін талқылады.

Президент еліміз венчурлық инвестиция тарту көлемі бойынша аймақта көшбасшы екенін атап өтті. Мемлекет басшысы профессордың сарапшылық пікірін және Қазақстанға венчурлық инвестиция тартуға қосқан үлесін жоғары бағалады.

Кездесу соңында Илья Стребулаев Қасым-Жомарт Тоқаевқа өзінің қазақ тілінде жарық көрген кітабын сыйға тартты.

Мақалада

#Қасым-Жомарт Тоқаев #ақорда #профессор #Стэнфорд университеті

Алдыңғы жаңалық

Сенатор Үкіметтен музыкалық аспап шеберлеріне кәсіби мәртебе беруді сұрады