Қазақстандықтардан 141 млн теңге алдап алған алаяқтар Шымкентте ұсталды

Шымкент қаласында полиция департаментінің қызметкерлері киберқылмысқа қарсы іс-шара барысында Шымкент, Алматы және Алматы облысында әрекет еткен интернет-алаяқтар тобын ұстады, деп хабарлайды Azattyq Rýhy.

Тергеу нәтижесінде күдіктілердің 9 интернет-алаяқтық фактісіне қатысы бар екені анықталды. Келтірілген жалпы шығын көлемі – 141 миллион теңгеден асады.

Ұсталғандар

Қылмыстық топтың 4 мүшесі құрықталды:

• ұйымдастырушы (топ басшысы);
• дропперлерді іздеп, тартқан екі қатысушы;
• қолма-қол ақшаны алып, ұйымдастырушыға жеткізген тасымалдаушы.

Тергеу жалғасуда

Қазіргі таңда тергеу амалдары жүріп жатыр. Полицейлер күдіктілердің басқа да қылмыстарға қатыстылығын тексеруде.

Іс-шара қалалық прокуратураның үйлестіруімен жүргізілді.

Еске салайық, 2025 жылғы 16 қыркүйектен бастап банк шоттарына, төлем және сәйкестендіру құралдарына заңсыз қол жеткізу, оларды беру немесе пайдалану, сондай-ақ заңсыз ақша аударымдарын жүзеге асыру қылмыстық жауапкершілікке жатады.