Азаматтар ел аумағына кірерде тексерістен өтеді
Испания туристерге шекарасын ашты, деп хабарлайды «Хабар 24»
Алайда, әзірге ел аумағына Еуроодақ пен Шенген визасы жүйесіне қосылған елдердің азаматтары ғана кіре алады.
Сақтық мақсатында әрбір турист міндетті түрде 3 сатылық бақылаудан өтуі тиіс. Кез келген шетелдік азамат Испанияда қайда тұрақтайтыны және денсаулық жағдайы туралы мәлімет ұсынуы қажет. Бұған қоса, ел аумағына кірерде азаматтардың дене қызуы тексеріледі. Егер турист аталған үш кезеңнің бірінен өте алмаса, медициналық тексерістен өтуіне тура келеді.
