8 қыркүйекте Қазақстанда бұршақ жауып, қатты жел соғады

«Қазгидромет» мамандары 2025 жылғы 8 қыркүйекке арналған ауа райы болжамынжариялады. Болжамға сәйкес, дүйсенбі күні еліміздің көп бөлігінде жаңбыр мен найзағайболады, деп хабарлайды Azattyq Rýhy. 

• Солтүстік өңірлерде – қатты нөсер күтіледі;
• Солтүстік, шығыс және орталық аймақтарда – бұршақ шквал болуы мүмкін;
• Батыс өңірлерде ауа райы жауын-шашынсыз өтеді.

Қосымша құбылыстар

Синоптиктер республиканың әртүрлі аймақтарында қосымша қолайсыз жағдайларды болжады:

• ел аумағында желдің күшеюі байқалады;
• оңтүстікте – шаңды дауылдар күтіледі;
• солтүстік пен шығыста түнгі және таңғы уақытта – тұман түседі.

Өрт қаупі жоғары өңірлер

Кейбір аймақтарда жоғары және төтенше өрт қаупі сақталады.

Жоғары өрт қаупі:

• Алматы, Жетісу, Қарағанды (батыс, солтүстік), Ұлытау (солтүстік, оңтүстік), Ақмола, Батыс Қазақстан, Атырау, Ақтөбе, Қостанай және Шығыс Қазақстан облыстары.

Төтенше өрт қаупі:

• Түркістан, Қызылорда, Маңғыстау, Жамбыл, Алматының батысы мен солтүстігі, Жетісудың орталығы мен оңтүстік-шығысы, Қостанайдың оңтүстік-батысы, Қарағандының оңтүстігі, Ақтөбе мен Ұлытаудың шығысы.