7 қыркүйекте елдің көп бөлігінде жаңбыр жауып, найзағай ойнайды

«Қазгидромет» мамандары 7 қыркүйек күні Қазақстан аумағында циклон мен атмосфералық фронттардың әсерінен қолайсыз ауа райы күтілетінін мәлімдеді, деп хабарлайды Azattyq Rýhy. 

Күтілетін құбылыстар:

• көптеген өңірде жаңбыр, найзағай болады;
• елдің солтүстік-батысы мен солтүстігінде – қатты жаңбыр, бұршақ жауады;
• республиканың оңтүстігінде – шаңды дауыл;
• батыс пен шығыста – тұман;
• желдің екпіні күшейеді.

Өрт қаупі жоғары өңірлер

Синоптиктердің айтуынша, бірқатар облыста өрт қаупі жоғары болады. Олардың қатарында Алматы, Ақтөбе, Жетісу облыстары; Қарағанды (батыс, солтүстік), Ұлытау (шығыс, орталық);  Ақмола (батыс, оңтүстік, орталық); Батыс Қазақстан (солтүстік, шығыс, оңтүстік); Атырау (батыс); Қостанай (батыс, солтүстік-шығыс, оңтүстік-шығыс); Шығыс Қазақстан (оңтүстік) облыстары бар.

Төтенше өрт қаупі

Кейбір өңірлерде өрт қаупі жоғары болады. Олар:

• Түркістан, Қызылорда, Маңғыстау, Атырау, Жамбыл облыстары;
• Алматы (солтүстік, оңтүстік, батыс);
• Жетісу (оңтүстік-шығыс, солтүстік-батыс, орталық);
• Қостанай (оңтүстік-батыс);
• Қарағанды (оңтүстік);
• Ақтөбе (шығыс, орталық, оңтүстік);
• Ұлытау (шығыс, орталық).