Қостанай облысында дала өртін сөндіруге жүздеген адам жұмылдырылды

Қостанай облысында дала өртін сөндіру үшін жүздеген адам, ондаған техника жұмылдырылды, деп хабарлайды Azattyq Rýhy.

Өрт сөндіруге ТЖМ бөлімшелерінің, әкімдік пен жергілікті атқарушы органдардың, екінші құтқару батальонының, аумақтық қорғаныс әскери бөлімдерінің, Ұлттық ұланның, полиция академиясының, орман шаруашылығының күштері мен құралдары, сондай-ақ ТЖМ «Қазавиақұтқару» тікұшағы жұмылдырылды.

«Жалпы алғанда, 550-ден астам адам және шамамен 80 техника бірлігі тартылды», – делінген ТЖМ хабарламасында.

Айта кетейік, Қостанайдағы алапат өртті сөндіруге тікұшақ тартылғаны хабарланған болатын.