Бурабайда әйел адам таудан түсемін деп күтпеген жерден жарақат алып қалды

Бурабай тауларына шыққан әйел адам төмен түсер кезде күтпеген жерден жарақат алып қалды, деп хабарлайды Azattyq Rýhy.

Төтенше жағдайлар министрлігінің мәліметінше, Ақмола облысының Бурабай ауданындағы Көкшетау тауында құтқарушылар 1999 жылы туған әйел адамға көмек көрсетті. Ол аяғын қайырып алып, таудан өздігінен түсе алмаған.

«Құтқарушылар оны төмен түсіріп, жедел медициналық жәрдем бригадасына табыстады.

ТЖМ тауға шықпас бұрын өз тәжірибеңіз бен физикалық мүмкіндіктеріңізді ескере отырып маршрутты жоспарлау қажеттігін еске салады», - делінген министрлік хабарламасында.