$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
20.06.2020, 11:39
Жаңалықтар

Қазақстанда халықаралық рейстер қайта ашыла бастады

Халықаралық рейстер кезең-кезеңмен қайтадан ашылады

Қазақстанда халықаралық рейстер қайта ашыла бастады
Фото: ашық дереккөзден

20 маусымнан бастап Қазақстаннан Түркияға, Қытайға, Оңтүстік Кореяға, Таиландқа, Грузия мен Жапонияға халықаралық рейстер кезең-кезеңмен қайтадан ашылады, деп хабарлайды Azattyq Rýhy тілшісі Азаматтық авиация комитетіне сілтеме жасап.

17 маусымда комитет ҚР Денсаулық сақтау министрлігінің ұсынымдарын және эпидемиологиялық жағдайды ескере отырып, 2020 жылғы 20 маусымнан бастап Қазақстаннан Түркияға, Қытайға, Оңтүстік Кореяға, Таиландқа, Грузия мен Жапонияға халықаралық рейстер кезең-кезеңмен қайта ашылатынын хабарлаған болатын.

«Қазіргі уақытта отандық және шетел әуе компаниялары халықаралық рейстер кестесін алдын ала жасады. Рейстер әуе компаниялардың веб-сайттарында жарияланған кестеге сәйкес орындалады. Сонымен бірге, әуе компаниялары рейстер кестесін түзетуі мүмкін. Жолаушыларға ыңғайлы болу үшін халықаралық бағыттарға, атап айтқанда кестеде көрсетілген бағыттар бойынша (Түркия, Қытай, Оңтүстік Корея, Таиланд және Грузия бағыттары бойынша) әуе билеттері сатыла бастады.  Сонымен бірге, Қытайда шектеу шараларының енгізілуіне байланысты қазақстандық және шетел әуе компанияларының кестесі қарастырылып жатыр», - деп жазылған хабарламада.

Рейстер Қазақстан және шетелдердің санитарлық қауіпсіздік шаралары күшейтілген жағдайда орындалады. Сонымен бірге, Қазақстан Республикасының көлік саласындағы бас санитарлық дәрігері осы елдердегі жағдайды қадағалайды және эпидемиологиялық жағдай нашарлаған жағдайда тиісті шаралар қолданады.

Серіктес жаңалықтары