Алматыда жол апаты көбейіп барады: жыл басынан бері 45 адам қаза тапты

Алматыда жыл басынан бері 4 мыңнан астам жол-көлік оқиғасы тіркелді. Соның салдарынан 5 мыңнан астам адам зардап шекті, оның ішінде 45 азамат қаза тапты, деп хабарлайды Azattyq Rýhy.

Жол апаттарының 60%-ында балалар зардап шекті

Полицияны әсіресе кәмелетке толмағандардың қатысуымен болған апаттардың көбеюі алаңдатып отыр. Мұндай оқиғалар саны былтырғы кезеңмен салыстырғанда 60%-ға өскен.

ЖКО-ның негізгі себептері

Алматы қаласы ПД анықтау басқармасы бөлімінің бастығы Ержан Шайхиев жылдамдықты асыру, арақашықтықты сақтамау, қауіпті маневр жасау, жаяу жүргіншілер өткеліндегі ережелерді бұзу – апаттардың басты себебі екенін айтты.

Полицияның үндеуі

Құқық қорғау органдары қала тұрғындарын жолда абай болуға шақырады:

«Рульде отырған әр жүргізуші тек өз өміріне ғана емес, айналадағы адамдардың қауіпсіздігіне де жауапты. Жолдарымызды қауіпсіз ету – бәріміздің ортақ міндетіміз», – деді Ержан Шайхиев.

Алматы полициясы жүргізушілер мен жаяу жүргіншілерді жол ережелерін қатаң сақтап, саналы әрекет етуге шақырды.