Қазақстанда доллар құны арзандап барады

Қазақстанда АҚШ доллары екі теңгеге арзандады, деп хабарлайды Azattyq Rýhy.

Қазақстан қор биржасындағы (KASE) бүгінгі сауда нәтижесінде АҚШ долларының орташа өлшенген бағамы 533,87 теңгені құрады. Бұл – кешегі көрсеткіштен екі теңгеге төмен.

Шілде айының соңында доллар бағамы рекордтық межені жаңартып, 546,36 теңгеге жеткен еді. Алайда қазіргі уақытта құбылып арзандап-көтеріліп отырғанымен, жалпы есепте шамамен 13 теңгеге төмендеді.

Kurs.kz порталының деректеріне сәйкес, қолма-қол доллардың сатып алу және сату бағамдары мынадай болды:

• Астана: сатып алу – 532-536,2 теңге, сату – 537-540 теңге;
• Алматы: сатып алу – 530,5-536 теңге, сату – 536,3-540 теңге.