Танымал демалыс орнында акула туристке шабуыл жасады

Багам аралдарында 63 жастағы америкалық туристке акула шабуыл жасап, ол ауыр жарақат алды, деп хабарлайды Azattyq Rýhy агенттігі New York Post-қа сілтеме жасап.

Оқиға қалай болды?

Корольдік полицияның мәліметінше, оқиға жексенбі күні шамамен 13:00-де Абако аралдарының Биг-Гранд-Кей ауданына жақын маңда болған.

Ер адамды судан ауыр жарақатпен алып шыққан. Алдымен ол жергілікті клиникаға жеткізілді, кейін тікұшақпен АҚШ-қа жөнелтілді.

Қазіргі уақытта оның жағдайы туралы ақпарат жарияланған жоқ.

Су асты аулау және қауіп

Су асты балық аулау – Багам аралдарында танымал спорт түрі. Ол көбіне гарпун немесе найза тәрізді өткір құралмен балық аулауға негізделген.

Багам аралдары акулалардың мекені ретінде белгілі. Мұнда бірнеше резонансты оқиға тіркелгенімен, акула шабуылдары сирек кездеседі.

Статистика

International Shark Attack File дерегінше, соңғы 400 жылда Багам аралдарында 34 расталған акула шабуылы болған. Бұл көрсеткіш бойынша ел әлемдік рейтингте тоғызыншы орында тұр.