Дропперлік, кибертоптар: Қазақстанда интернет-алаяқтық пен есірткі қылмысы белең алып тұр

Қазақстанда қылмыс деңгейі төмендеді, бірақ интернет-алаяқтық пен есірткі қылмысы әлі өзекті. Бұл туралы бас прокурор Берік Асылов 2025 жылдың 7 айындағы прокуратура органдарының жұмысы туралы мәліметінде айтты, деп хабарлайды Azattyq Rýhy.

Қылмыс деңгейі азайды

Үйлестіру шараларының нәтижесінде қылмыстық ахуал жақсарып, құқық бұзушылық деңгейі 82 573-тен 76 512-ге дейін төмендеді.

• Қоғамдық орындардағы қылмыс – 23 121-ден 21 269-ға дейін азайды;
• Көшелердегі құқық бұзушылық – 11 035-тен 10 272-ге дейін қысқарды.

Интернет-алаяқтық пен есірткі қылмысы – басты қауіп

Сонымен бірге, интернет арқылы жасалатын алаяқтық пен есірткі қылмысы әлі де өзекті мәселе болып отыр.

Бұл бағытта мүдделі органдармен бірлесіп ауқымды және жүйелі іс-шаралар жүргізілуде.

Нәтижелер: киберқылмыс пен есірткі саудасына соққы

• Алаяқтыққа қарсы күрес аясында 61 кибертоп әшкереленді;
• 217 «дроппер» қылмыстық жауапкершілікке тартылды;
• Интернеттегі есірткі саудасын тоқтату мақсатында 88 мың есірткі дүкенінің шоттары бұғатталды.