Қайғылы оқиға: Алакөлде жас жігіт жұрттың көз алдында суға батып кетті (ВИДЕО)
Оның денесін құтқарушылар бір күннен кейін тапты
Алакөлде сауық құрып жүрген жас жігіт жұрттың көз алдында суға батып кетті, деп хабарлайды Azattyq Rýhy.
Оқиғаның видеосы әлеуметтік желіде жарияланды. Қайғылы оқиға 6 тамыз күні Абай облысының Мақаншы ауданы Кабанбай ауылының маңында, жағадан шамамен 500 метр қашықтықта болды.
Облыстық ТЖД-ның мәліметінше, жасөспірімнің жалға алынған катерден құтқару кеудешесін кимей суға секіріп, батып кеткені туралы хабарлама түсті.
«Бүгін таңертең ТЖД сүңгуірлерінің қатысуымен жүргізілген суасты іздестіру жұмысы барысында, жағадан 500 метр жерде, 6 метр тереңдіктен жасөспірімнің денесі табылып, судан шығарылды.
Іздестіру жұмысына ТЖД құтқарушылары мен полиция қызметкерлері, 12 құтқарушы, оның ішінде сүңгуірлер, төрт жүзу құралы, эхолот және дрондар жұмылдырылды», – делінген ведомствоның агенттік тілшісіне берге пікірінде.
