«Бірнеше рет іздеуде болды»: Екібастұзда жоғалған қыздар Ақсудан табылды

Павлодар облысының криминалдық полиция қызметкерлері қылмыскерлерді ғана емес, жоғалған балалар мен жасөспірімдерді іздеумен де айналысады. Жуырда Екібастұзда жоғалып кеткен екі бірдей жасөспірім қыз Ақсудан табылды, деп хабарлайды Azattyq Rýhy.

Қыздар үйден ескерту жасамай кетіп қалған

Полицияға 14-15 жастағы қыздарының жоғалғаны туралы бірнеше ана жүгінген. Олар екі күн бұрын үйден шығып, қайтып оралмағанын, ал мұндай жағдай бұған дейін де қайталанғанын айтқан.

«Бұл қыздарды іздестірумен бұрын да айналысқанбыз. Жедел уәкілдердің есінде жақсы сақталған», – деп мәлімдеді Павлодар облысының ПД.

Ақсу қаласынан аман-есен табылды

Іздеу басталған сәтте жедел қызметкерлер бағдар құрастырып, барлық жақын маңдағы полиция бөлімшелеріне жіберді. Екі күн ішінде қыздар Ақсу қаласынан табылып, ата-аналарына аман-есен қайтарылды.

Жасөспірімдердің өз айтуынша, олар жай ғана «серуендеуге шыққан».

Тағы бір жағдайда – 10 жасар бала табылды

Аймақтағы тағы бір оқиғада полиция таңертең мал айдауға кеткен 10 жасар баланы іздеді. Атасының айтуынша, бала сол күйі үйге оралмаған. Жедел іздестіру барысында бала ауылдағы вагондардың бірінде ұйықтап жатқан жерінен табылды.