Жетісу облысында жемқорлардан қайтарылған ақшаға 22 әлеуметтік нысан салынып жатыр
Қайтарылған активтер есебінен салынған әлеуметтік нысандар Жетісу өңірінің өмір сапасын жақсартады
Жетісу облысында прокуратура органдарының бастамасымен, мемлекетке қайтарылған заңсыз активтер есебінен 22 әлеуметтік маңызы бар нысанның құрылысы жүргізіліп жатыр, деп хабарлайды Azattyq Rýhy.
Салынып жатқан әлеуметтік нысандар:
- Мектептер;
- сумен жабдықтау жүйелері;
- денсаулық сақтау мекемелері.
Қаратал ауданында құрылыс сапасы қатаң бақылауда
Қаратал ауданында прокурорлар құрылыс жұмысының барысын арнайы бақылап, сапа мен қарқынға ерекше мән берді. Ауданды аралау кезінде жергілікті тұрғындармен тілдесіп, олардың оң бағасын естіді.
Дойыншы ауылына – жаңа медициналық пункт
Ауданға қарасты Дойыншы ауылында қазіргі таңда медициналық пункт салынып жатыр. Жоба ауыл тұрғындарына аудан орталығына 180 шақырым жол жүрмей-ақ, жергілікті жерде медициналық көмек алуға мүмкіндік береді.
Ұмтыл ауылында – таза ауызсуға қолжетімділік
Сондай-ақ Ұмтыл ауылында тұрғындарды сапалы ауызсумен қамтамасыз ету мақсатында жаңа су жүйесі салынып жатыр. Бұл жоба ауыл өмірінің сапасын арттыруға бағытталған.
