Қазақстанда дүйсенбі күні жаңбыр жауып, дауыл тұрады

Қазақстанның басым бөлігінде алдағы күндері жаңбыр, найзағай мен қатты жел күтіледі.Бұл туралы «Қазгидромет» РМК мәлімдеді, деп хабарлайды Azattyq Rýhy. 

Ел аумағын солтүстік-батыс циклоны шарпиды

2025 жылғы 28 шілде, дүйсенбі күні солтүстік-батыс циклоны мен оған ілескен атмосфералық фронттар елдің көптеген өңіріне жауын-шашын алып келеді.

• Солтүстікте – қатты жаңбыр,
• Жекелеген аймақтарда – қатты жел мен бұршақ,
• Түнгі және таңғы уақытта – тұман,
• Оңтүстік пен оңтүстік-батыста – құрғақ әрі ыстық ауа райы күтіледі.

«Оңтүстік-батыс өңірлерде жауын-шашын болмайды. Республика бойынша жел күшейіп, оңтүстікте шаңды дауыл тұруы мүмкін», – делінген «Қазгидромет» хабарламасында.

Шіліңгір шілде жалғасады

Кейбір облыстарда күн қатты ысып, +41…+42°С дейін жетеді.

Қатты ыстық күтілетін өңірлер:

• Жетісу облысының солтүстік-батысы мен орталығы
• Абай облысының оңтүстігі
• Алматы облысының батысы мен солтүстігі
• Жамбыл, Алматы, Абай, Шығыс Қазақстан облыстары – +35…+38°С аралығында

Сақтық шаралары:

• Далаға шыққанда қалпақ, көзілдірік, жеңіл киім киіңіз
• Күннің астында ұзақ болмаңыз, көлеңке іздеңіз
• Электр құрылғыларын шамадан тыс қоспаңыз
• Өрт қаупі жоғары – шөп жағуға, от жағуға тыйым салынады.