Павлодарда кәмелетке толмаған қыз баланы жерге құлатып, соққыға жыққан әйел ұсталды (ВИДЕО)

Павлодарда бұған дейін жасөспірім қызға шабуыл жасап, жерге құлатқан әйел ұсталды, деп хабарлайды Azattyq Rýhy.

Қызды көшеде шашынан тартып, жерге құлатқан

Оқиға Торайғыров көшесіндегі сұлулық салонының жанында болған. Бейтаныс әйел 13 жастағы қыз балаға себепсіз шабуылдап, шашынан тартып, жерге құлатқан. Қыз бала мынандай жарақаттар алған:

• дене жарақаты,
• тізе жарақаты,
• бірнеше жеріне гематома (қан ұйып қалу) алған.

Оқиға кезінде айналада ересектер көп болғанымен, ешкім көмекке келмеген, араласпаған.

Күдікті ұсталып, сот-медициналық сараптама тағайындалды

Павлодар облыстық полиция департаментінің баспасөз қызметі былай деп мәлімдеді:

«Полиция 11 шілдеде Павлодарда кәмелетке толмаған баланың шашынан себепсіз ұстап алып, оны жерге құлатқан әйелді анықтап, ұстады. Кәмелетке толмаған бала медициналық көмекке жүгінген жоқ, сонымен бірге сот-медициналық сараптама тағайындалды.

Ұрып-соғу фактісі бойынша қылмыстық іс қозғалды. Оқиғаның мән-жайы мен себептері тергеу барысында анықталатын болады», - делінген облыстық ПД хабарламасында.

Қылмыстық іс қозғалды

Аталған дерек бойынша «Дене жарақатын салу» бабы бойынша қылмыстық іс қозғалды. Қазіргі таңда оқиғаның мән-жайы мен себептері тергеу барысында анықталып жатыр.

Айта кетейік, Павлодарда әйел адам полиция ғимаратының жанында қыз баланы жерге құлатып, соққыға жыққаны хабарланған болатын.