Қазақстан құрамасы физикадан халықаралық олимпиадада 10 медаль жеңіп алды

Ресейдің Ханты-Мансийск қаласында ISPhO-2025 халықаралық ғылыми физика олимпиадасы аяқталды. Жарыс қорытындысы бойынша Қазақстан құрамасы жалпыкомандалық бірінші орынды иеленіп, әлемдік көшбасшылар қатарына сенімді түрде енді, деп хабарлайды Azattyq Rýhy.

Оқу-ағарту министрлігінің мәліметінше, 21 елден келген қатысушылар арасынан бес қазақстандық оқушы он жүлдемен оралды.

Олимпиада екі негізгі турдан тұрды – теориялық және эксперименттік. Қорытынды нәтиже екі кезең бойынша жиналған ұпайлар арқылы анықталды.

Күміс медаль иегерлері:

• Роман Черемнов – Алматы қаласындағы «Мирас» мектебінің 11-сынып оқушысы;
• Таир Әбідқадыр – Қостанай қаласындағы «Білім-инновация» лицейінің 10-сынып оқушысы;
• Әлтайыр Ақанов – Астана қаласындағы РФММ-ның 11-сынып оқушысы;
• Ілияс Қазымбек – Алматы қаласындағы РФММ-ның 10-сынып оқушысы.

Сондай-ақ олимпиаданың қола жүлдегері – Астана қаласындағы NurOrda мектеп-лицейінің 11-сынып оқушысы Даниэль Түлебаев.